اخواني اعضاء المنتدى ....

عندي مشكله وارجووووووووكم تساعدوني اذا تقدرون ..

راح ادخل في المشكله على طول ...

بصراحه ادري انو الكلام اللي راح اقوله صعب شوي وماحبيت في يوم اني اكتب مشكلتي على صفحة من صفحات النت ... ولكن قلة الحيله اجبرتني على هذا ...


انا خريجة تربية فنيه من جامعة الملك سعود وعندي خبرة سنتين ونصف في احد المدارس الاهليه الكبرى وحصلت خلالها على شهادات شكر وتقدير من المدرسه ومن مكتب الاشراف التربوي ... وعجزت الاقي وظيفه حكوميه ..
والان تركت المدرسه الاهليه لانها بعيده عن بيتي جدا وماعندي وسيلة نقل توصلني هناك ...
وعجزت حتى الاقي مدرسه اهليه قريبه عند بيتي ..



والله العظيم لو ماني محتاجه الوظيفه ( ماديا ونفسيا ) ماكنت طلبتكم هالطلب ..
اكيد راح تقولون قدمي على الديوان ... طبعا الديوان ينزل كل سنه وظايف ولكن من اول ما تخرجت لليوم مانزلت ولا وظيفه بالرياض ... مع ذلك اعرف بنات توظفو ( عن طريق الواسطه ) , انا طبعا مالي واسطه ولكن املي بالله ثم فيكم ...

صدقوني عرضت علي مره وظيفه حكوميه بالرياض ولكن لازم ادفع فيها مبلغ ( رشوه ) ولكن انا مابغى وظيفه يكون مالها حرام ...

الان ينزل وظايف على بند محو الاميه ( اهل السعوديه اكيد بيعرفونها ) ولكن برضو الواسطه هي اللي تمشيه ...


وانا والله ماجبرني اني اكتب هذا الموضوع الا لاني عجزت ومليت وانا اسعى واحاول والف وادور على ادارات التعليم ومكاتب محو الاميه ومكاتب الاشراف التربوي ... والله يا ناس تعبت مررررره ...


ياليت اللي يقدر يساعدني .... والله ماله غير الاجر والثواب من الله ...وصدقوني راح ياخذ فيني اجر انشالله ....



تكفوووووون لا تردوني وارجو ان تاخذو الموضوع بجديه ....



انتظر ردودكم على نار ...